د حسيني مقدس آستان نوښت؛ په رمضاني ختم قرآن کې د غوره قرآني ماشومانو ګډون

ایکنا - د حضرت امام حسین (ع) سپېڅلې آستانې پرېکړه کړې چې د ازموینې له لارې هغه   غوره  قرآني او بااستعداده ماشومان وټاکي، چې د رمضان  د مبارکې میاشتې په مرکزي ختم قرآن کې د امام حسین (ع) په سپېڅلي حرم کې ګډون وکړي.

ه  عراقه  ایکنا نیوز راپور راکوي،  د حسيني آستانې د دارالقرآن د قرآني پروژو څانګې د ملي  غوره ماشومانو  د قرآني طرحې زده‌کوونکو لپاره ازموینې پیل کړې دي، څو غوره استعدادونه د رمضاني ختم قرآن لپاره وټاکل شي.

د دې آستانې د قرآني پروژو د څانګې مشر فلاح زلیف، وویل: په دغو ازموینو کې ۱۲۵  ماشومانو ګډون کړی، چې د هغوی د تلاوت او حفظ کچه د دقیقو معیارونو له مخې وارزول شوه او په پایلې کې یو شمېر ئې د رمضان المبارک د  میاشتې د ختم قرآن لپاره وټاکل شول.

هغه زیاته کړه: دا ازموینې لا هم دوام لري، څو تر ټولو غوره وړتیاوې لرونکي  وپېژندل شي او تر ټولو وړ ګډونوال وټاکل شي، څو داسې یو ځانګړی ختم قرآن وړاندې شي چې د  ماشومانو قرآني استعدادونو او وړتیاوو ته پاملرنه څرګنده کړي.

دا نوښت د هغو هدفمندو قرآني پروګرامونو یوه برخه ده، چې د دارالقرآن او د حسيني آستانې د تولیت له لوري د ځوان نسل د روزنې، له قرآن کریم سره د هغوی د اړیکې ټینګښت، او د داسې پوه او قرآني نسل د چمتو کولو لپاره وړاندې کېږي چې د ټولنې په خدمت کې ونډه ولري.

https://iqna.ir/fa/news/4326129